कोशी प्रदेशका पूर्व मुख्यमन्त्री केदार कार्कीले मंगलबारदेखि विराटनगरमा आमरण अनशन सुरु गरेका छन् । विराटनगरको देवकोटा चौक स्थित कोशी प्रदेश सभा अगाडि सडक पेटीमा पूर्व मुख्यमन्त्री कार्कीले आमरण अनशन सुरु गरेका छन् । पूर्व मुख्यमन्त्री केदार कार्की नेतृत्वको सरकारले १० वर्ष मुनिका बालबालिकालाई निःशुल्क उपचार सेवा सहित ल्याएको ९ बुदे लोकप्रिय कार्यक्रमलाई मुख्यमन्त्री हिक्मतकुमार कार्की नेतृत्वको सरकारले हटाई दिएपछि त्यसका विरुद्ध पूर्व मुख्यमन्त्री कार्कीले आमरण अनशन थालेका छन् ।